- Advertisement -
नवलपरासी । जिल्ला प्रहरी कार्यालय नवलपरासीले भन्सार छलेर नेपाल भित्र्याइएकाे ९ लाख ४४ हजारकाे अवैध सामान हुक्का बरामद गरी कारवाही चलाएकाे छ ।
प्रहरीले बेवारिसे अवस्थामा राखिएको Afzal लेखिएको हुक्कामा प्रयोग गरिने Flavored १९ बोरा (३८ कार्टून) सुस्ता गाउँपालिका वडा नं.३ बिनटोल स्थित बाटोको छेउबाट बरामद गरिएकाे जनाएकाे छ ।
उक्त सामान भन्सार छलि अबैधरुपमा नेपाल ल्याईएकाे र नवलपरासी तथा मातहत समेतबाट खटिएको संयुक्त प्रहरी गस्ति टोलीले बरामद गरेकाे बताइएकाे छ ।
फेला पारीएकाे सामान रीतपूर्वक बरामद गरी आवश्यक कारवाहीको लागि महेशपुर भन्सार कार्यालय नवलपरासी (बर्दघाट सुस्ता पश्चिम) मा पठाइएको सुचना अधिकारी तथा प्रहरी नायब उपरिक्षक बीर दत्त पन्तले जनाएका हुन् ।
